“Günay Bank” ASC yaradılması 15.11.1991-ci il tarixdən başlayır. Belə ki, altı hüquqi şəxs bu tarixdə təsis müqaviləsi imzalayaraq, səhmdar cəmiyyəti formasında “Günay” SKB yaradılması barədə qərara gəlirlər.
25 Mart 1992-ci il tarixdə bankın təsisçilərinin 1 saylı Protokolu tərtib edilir və gündəlikdə duran məsələlərdən biri də Respublika Milli Bankına müraciət olunması və Bankın qeydiyyatdan keçirilməsi olmuşdur.
1992-ci ilin aprel ayının 30-da “Günay” Səhmdar kommersiya Bankına Bank əməliyyatlarının aparılması barədə 48 saylı Lisenziya verilmişdir.
“Günay” SKB səhmdarların 20 oktyabr 1992-ci il tarixlı 5 saylı Protokolun qərarı ilə Bankın səhmdarları arasında dəyişiklik aparılır və yenidən Milli Bankda qeydiyyatdan keçmək məqsədi ilə 30.10.1992-ci il tarixdə MB-a müraciət olunur.